"Интер" АПЛда 2та ҳимоячи сотиб олмоқчи

Миланнинг "Интер" клуби мавсумлар оралиғида Англия премьер-лигасида тўп сураётган 2 нафар футболчини сотиб олишни кўзламоқда.

Calciomercato нашри тарқатган хабарга кўра “нерадзуррилар”нинг эътибори Маттео Дармиан ("Манчестер Юнайтед") ва Эмерсон ("Челси") каби ҳимоячиларга тушган.

Айтиш лозимки, Дармианнинг МЮ билан амалдаги шартномаси ёзда ўз ниҳоясига етади ва шу боис ҳам “Интер” ушбу трансфер бўйича катта муаммона дуч келмайди.

Эмерсоннинг эса “аристократлар” билан шартномаси 2022 йилга қадар имзоланган. Унинг трансфери тахминан 18 миллион еврога баҳоланмоқда.