"Интер" Машариповнинг жамоасига кетаётган Брозовичга ўринбосар топиб қўйди

"Сассуоло" ярим ҳимоячиси Давиде Фраттези фаолиятини "Интер"да давом эттириши мумкин.

Инсайдер Фабрицио Романонинг сўзларига кўра, “нерадзуррилар” клуби 23 ёшли италиялик футболчини “Ан-Наср”га ўтаётган Брозовичнинг ўрнига муносиб ўринбосар бўлишига ишонмоқда. Эслатиб ўтамиз, аввалроқ ОАВда ярим ҳимоячига Италиянинг бошқа бир клуби – “Милан” ҳам қизиқиш билдираётгани ҳақида хабарлар тарқалган эди.

Фраттези ўтган мавсум “Сассуоло” таркибида 36 та ўйинда майдонга тушиб, 7 та гол урган. Томонлар  ўртасидаги меҳнат шартномаси 2026 йилнинг ёзига қадар тузилган. Трансфермаркт экспертлари футболчининг нархини 25 миллион еврога баҳоламоқда.