Иппон эвазига ғалаба қозонган дзюдочимиз финалга чиқди

Хабарингиз бор, 6-13 октябрь кунлари Тошкент шаҳри дзюдо бўйича жаҳон чемпионатига мезбонлик қилмоқда.

Бугун, 11 октябрь мусобақанинг олтинчи кунги баҳсларида -100 кг вазн тоифасида иштирок этаётган Музаффарбек Тўрабоев ярим финалда ғалаба қозонди. Навбатдаги "қурбон" Михаэль Коррел бўлиб, спортчимиз уни иппон эвазига мағлубиятга учратди ва финалга йўл олди.

Тўрабоев финалда канадалик Кайл Рейесга қарши татамига чиқади. Мазкур баҳс тахминан 17:40 лар атрофида бошланади.