Ироқ чемпионати. Чабановнинг дубли "Эрбил"га ғалаба келтирди

Ироқ чемпионатининг 29-туридан ўрин олган навбатдаги баҳс ўз якунига етди.

"Эрбил" ўз майдонида "Ал-Қосим"ни қабул қилиб, 2:0 ҳисобида ғалаба қозонди. Эътиборлиси, ҳар икки голга ўзбекистонлик футболчи Марлен Чабанов муаллифлик қилди.

Шунингдек, яна бир ҳамюртимиз Шерзод Темиров асосий таркибда майдонга тушиб, тўлиқ 90 дақиқа ҳаракат қилди.

Шу тариқа, "Эрбил" очколари сонини 59 тага етказиб, мусобақа жадвалида 3-ўринда бормоқда.