Ислам Махачевнинг навбатдаги рақиби ким бўлиши мумкин?

Таниқли журналист ва инсайдер Ариэль Хельвани енгил вазн тоифасида (70 кг гача) UFC чемпионлик камарининг амалдаги соҳиби россиялик Ислам Махачевнинг навбатдаги рақиби ким бўлишини айтди.

“UFC Ислам Махачев ва Арман Царукян ўртасидаги реванш жангини ташкил этиш устида ишламоқда. Сана ҳозирча эълон қилинмаган”, - деди Хельвани “The MMA Hour” шоусида.

Эслатиб ўтамиз, Ислам Махачев сўнгги жангини 2 июнь куни UFC 302 турнири доирасида Ньюаркда америкалик машҳур жангчи Дастин Порьега қарши ўтказган эди. Жанг россиялик жангчининг бешинчи раундда бўғиш усулида билан қўлга киритган ғалабаси билан якунланган. Махачев учун бу ғалаба қаторасига 13-ғалаба бўлди. Порье учун эса профессионал фаолиятидаги чемпионлик жангларида учинчи мағлубияти бўлди.