Ислом Махачев Усмон Нурмагомедовнинг асосий муаммосини айтди

  • 13 август, 15:56
  • 0
  • MMA

Енгил вазн тоифасида (70 кг) амалдаги UFC чемпиони россиялик Ислом Махачев Bellator чемпиони, ҳамюрти ва жамоадоши Усмон Нурмагомедовнинг асосий муаммосини айтди.

“Усмоннинг ягона муаммоси – назорат қилинишга муҳтожлигидадир. Кимдир унинг интизомини, машғулотлар жадвалини кузатиб бориши шарт, чунки у ҳали ёш. Шу боис Усмоннинг акалари ва Хабиб уни назорат қилиб туради”, — дея Махачевнинг сўзларини келтирди Bloody Elbows портали.

Эслатиб ўтамиз, Усмон(17-0)нинг навбатдаги жанги 7 сентабрь куни Сан-Диегода (АҚШ) Bellator турнирида Александр Шаблий(24-3)га қарши бўлади. Дастлаб, Александр Шаблий ва Усмон Нурмагомедов 17 май куни Парижда (Франция) жанг ўтказиши керак эди, бироқ Нурмагомедов жароҳат олгани учун баҳс қолдирилганди.

Фикрлар

Саралаш
Фикр қолдириш учун авторизациядан ўтинг!