Испания финалда ғалаба қозонса, Марк Кукурелья бу ишни қилишга ваъда берди!

Испания терма жамоаси футболчиси Марк Кукурелья Англияга қарши бўладиган Европа чемпионати финал ўйини олдидан ваъда берди.

“Агар биз ғалаба қозонсак, сочларимни қизил рангга бўяйман. Мен финал ўйинида қизил соч билан ўйнай олмайман, шунинг учун буни ҳозир қилмадим. Аммо ғалабадан сўнг мен буни албатта бажараман”, - деди қанот ҳимоячиси Mundo Deportivo нашрига берган интервьюсида.

14 июл, якшанба куни Берлиндаги стадионда Испания ва Англия терма жамоалари ўртасида Евро-2024 финали бўлиб ўтади. Турнирнинг ҳал қилувчи баҳси Тошкент вақти билан соат 00:00да бошланиши режалаштирилган. Учрашувнинг бош ҳаками этиб франциялик Франсуа Летексье тайинланди.