Испаниянинг XXI асрдаги энг кучли клуби аниқланди

Испания футбол тарихи ва статистикаси тадқиқот маркази мамлакатнинг 21-асрдаги энг яхши жамоаларини аниқлади. Барча мусобақалардаги кўрсаткичларига кўра, "Барселона" 3465 очко билан "Реал"(3347) ва "Атлетико"(2149) клубларини ортда қолдириб, биринчи поғонани банд этди.

Каталонияликлар Ла Лига ва Испания кубогида энг яхши натижани қайд этган. "Қироллик клуби" эса, фақат Чемпионлар Лигасида пешқадам. Ушбу даврда "блаугранас" унвонлар сони бўйича ҳам етакчилик қилмоқда - 34, "бланкос"да бу кўрсаткич 29 тани ташкил этмоқда.

Кейинги ўйинларда "Валенсия"(2139), "Севилья"(1999), "Вильярреал"(1648), "Атлетик"(1405), "Депортиво"(1395), "Сельта"(1164), "Эспаньол"(1144), "Бетис"(1137), "Реал Сосьедад"(1108), "Малага"(1035), "Хетафе"(1028), "Мальорка"(1009) каби жамоалар ўрин олган.

Рейтингда клубларнинг 2000/01 - 2019/20 йиллар оралиғидаги ўйинлари кўриб чиқилди ва таҳлилда Халқаро футбол тарихи ва статистикаси федерацияси мезонлари инобатга олинди. Асосий эътибор ютилган совринларга эмас, балки ғалаба қозонилган ўйинлар сонига қаратилди - ғалаба учун 9 очко, дуранг учун 3 очко берилди.