Италияда "Манчестер Сити"нинг янги версияси пайдо бўлиши мумкин

Таниқли "City Football Group" Италиянинг "Палермо" клубини сотиб олишга жуда яқин турибди. Айни дамда, "C серия"да жон сақлаётган клуб президенти - Дарио Мирри буни тасдиқлади.

"Le Gazzeta Della Sport" нашри берган маълумотларга суянадиган бўлсак, "Манчестер Сити" ва яна 11 клуб эгаси саналган холдинг "Палермо" учун 6 миллион евро таклиф этмоқда.Клуб раҳбари ўзининг 80 фоиз акциясини бу пуллар эвазига топширишга рози эканлигини яшириб ўтирмаяпти.

Эслатиб ўтамиз, "Палермо" сўнгги бор "А серия"да 2016/17-йилги мавсумда иштирок этган эди.