Каннаваро Ўзбекистонни Жаҳон чемпионатига қандай тайёрлаётганини айтди

Ўзбекистон терма жамоаси бош мураббийи Фабио Каннаваро "Prime Video Sport IT" YouTube каналига берган интервьюсида Жаҳон чемпионатига тайёргарлик жараёни ҳақида фикр билдирди.

"Жаҳон чемпионатига қайтиш нима дегани? Мен бу ҳақда кейинроқ айтаман, лекин ҳозир унга қаттиқ тайёргарлик кўряпман. Мен футболчиларга имкон қадар кўпроқ маълумот беришга ҳаракат қиламан, чунки бу улар учун биринчи тажриба.

Жаҳон чемпионати — жуда катта босим. Шунинг учун мен уларни шундай тайёрлашим керакки, бизда ҳеч нарса йўқотадиган нарса йўқ деган тушунча бўлсин.

Биз кичик терма жамоамиз. Биз чемпион бўла оладиган даражада эмасмиз. Лекин биз меҳнат қиладиган, майдонда жуда қийин рақиб бўладиган жамоамиз.

Мен шундай футболчиларни Жаҳон чемпионатига олиб боришни хоҳлайманки, улар ҳеч қачон таслим бўлмасин.

Менинг вазифам — улардан биринчи ўйиндаги қўрқув ва босимни олиб ташлаш. Фақат биринчи ўйинда.

Биз жуда қийин гуруҳдамиз. Шунинг учун бир очко ҳам катта натижа бўлиши мумкин. Лекин барчасини ўйин кўрсатади.

Мен қизиқяпман. Чунки кўп италияликлар биз учун қувонади. Лекин энг муҳими — биз биринчи марта Жаҳон чемпионатига чиқяпмиз.

Шу билан бирга, мен Осиё Кубоги ҳақида ҳам ўйлаяпман, чунки у жуда тез — олти ойдан кейин Саудия Арабистонида бўлади. Мен у ерга завқ олиш учун бораман", — деди Каннаваро.