Жаҳон чемпионати олдидан Аргентина футболи раҳбарига айблов эълон қилинди

Аргентина суди мамлакат футбол ассоциацияси президенти Клаудио Тапияга нисбатан процессуал чоралар қўллашга киришди.

Манба маълумотига кўра, Аргентина адлияси ташкилотга, шунингдек Тапиянинг ўзи ва хазиначи Пабло Товиджинога нисбатан молиявий қонунбузарликлар бўйича суд ишини бошлашга қарор қилган.

Гап солиқ маблағлари ва мажбурий ижтимоий тўловларни ўзлаштириш ҳақида бормоқда. Суд қарорига кўра, AFAга тахминан 350 миллион песо (тақрибан 246 минг доллар) миқдорида ҳибс қўйилган.

Тергов солиқ органининг мурожаатидан сўнг бошланган бўлиб, у сўнгги икки йилда 19 миллиард песодан (тахминан 13 миллион доллар) ортиқ қарздорлик мавжудлигини билдирган.

Шунингдек, ташкилотнинг бошқа раҳбарлари ҳам, жумладан бош директор ва федерация бош котиби ҳам процессуал чораларга тортилган.

Клаудио Тапиянинг ўзи эса аввалроқ айбловларни рад этган ва ҳеч қандай қонунбузарликларга алоқадор эмаслигини билдирган.

AFAда ҳам барча солиқ декларациялари топширилгани ва қарзлар ҳисобланган фоизлар билан жаримасиз тўлангани маълум қилинган.

Алоҳида қайд этилишича, суд Тапия ва Товиджино учун мамлакатдан чиқиб кетиш тақиқини сақлаб қолган, шунингдек уларнинг ҳаракатланиши чекланган — уларга яшаш жойини 72 соатдан ортиқ тарк этиш тақиқланган.

Вазият АҚШ, Мексика ва Канадада бўлиб ўтадиган “ЖЧ-2026” яқинлашаётган бир пайтда ривожланмоқда.