Jahon kubogi. Paradzyudochilarimiz musobaqaning ilk kunida 4 ta medalni qo‘lga kiritishdi

Avval xabar berganimizdek paradzyudochilarimiz Tbilisida bo‘lib o‘tayotgan Jahon kubogida ishtirok etishmoqda.

Bugun -60 kg vazn toifasida tatamiga chiqqan Sherzod Namozov kumush, -66 kg vazndagi hamyurtimiz Uchqun Quranboev esa oltin medalni qo‘lga kiritdi. Musobaqada -66 kg vaznda yurtimiz sharafini himoya qilgan boshqa bir paradzyudochimiz Utkir Nigmatovga bronza medallari nasib etdi.

-73 kg vazn toifasida ishtirok etayotgan sportchimiz Feruz Saidov ham musobaqani kuchli uchlikda yakunladi va delegatsiyamiz hisobiga yana bir bronza medalni yozdirib qo‘ydi.

Tbilisidagi Jahon kubogida paradzyudochilarimiz qayd etayotgan natijalarni biz bilan birga kuzating.

O‘zbekiston Milliy Paralimpiya assotsiatsiyasi matbuot xizmati