Жамоадошлари коронавирусга чалинган Роналду ҳам тест топширди. Натижа қандай?

"Ювентус"нинг португалиялик ҳужумчиси Криштиану Роналду коронавирус учун тест топширди. A Bola нашри тарқатган хабарга кўра, натижа манфий бўлган. Яъни Криштиануда коронавирус инфекцияси йўқ.

Маълумот учун, иқтидорли форвард айни вақтда ўзи туғилиб ўсган Мадейра оролида карантинда бўлиб турибди. Эслатиб ўтамиз, бундан олдин "Ювентус" сафида тўп тепувчи Даниэле Ругани, Блез Матюиди ва Пауло Дибалаларда COVID-19 инфекцияси аниқланган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)