Жастин Гэтжи Хабиб ва Исломдан кучлироқ

Озарбайжонлик UFC жангчиси Рафаэль Физиев 70 кг вазн тоифасида амалдаги чемпион Жастин Гетжи ҳақида илиқ гаплар айтди.

"Кечирасизлар, лекин мен Жастинни баъзи жиҳатларда Хабиб ва Исломдан юқорига қўйган бўлардим. Ҳа, Нурмагоммедов ва ​​Махачев кўплаб жангчиларни мағлуб этишди. Бироқ улар Гэтжи каби узоқ йиллардан бери ТОП-5 дами? Гэтжи неча йилдан буён кучли 5 таликда? Айтинг-чи, қачондан бери?! У ҳар битта жангида бонус олганини ҳам биласизми? Ҳа, Хабиб ва Ислом ажойиб ютуқларга эришди, бироқ Гэтжи ҳам катта ишларни амалга оширди", – деди Физиев "Спорт24" порталига берган интервьюсида.

Маълумот учун, Жастин 2017 йил июль ойидан буён UFC нинг енгил вазн тоифасида ТОП-5 таликда турибди.