Жазоир терма жамоаси аъзоси: "Биз Мессини мағлуб этамиз"

Жазоир терма жамоаси аъзоси ва Леверкузеннинг "Байер" клуби футболчиси Иброҳим Маза Жаҳон чемпионати олдидан ўз фикрлари билан ўртоқлашди.

Футболчи рақиб ҳақида шундай деди:

"Улар кўп провокация қилади, лекин биз хотиржам бўлишимиз, максимал ҳаракат қилишимиз ва ақл билан ўйнашимиз керак. Нима бўлишини кўрамиз. ИншаАллоҳ, биз Мессини мағлуб этамиз", — деди у "Goal" нашрига.

Жазоир 17 июнь куни Аргентинага қарши ўйнайди, кейин эса Австрия ва Иорданияга қарши баҳсларда иштирок этади.

Эслатиб ўтамиз, Жазоирнинг мундиалдаги энг яхши натижаси 2014 йилда қайд этилган — ўшанда жамоа 1/8 финалгача етиб борган.