ЖЧ-2022. Дэвис тарихий гол муаллифига айланди

Жаҳон чемпионати 2-туридан ўрин олган Хорватия - Канада беллашувида номинал меҳмонлар юлдузи Альфонсо Дэвис ҳисобни очди.

2-дақиқада рақиб дарвозасини ишғол этган "Бавария" ҳимоячиси бу орқали Канада миллий терма жамоасининг Жаҳон чемпионатлари тарихидаги илк голи муаллифига айланди. 

Шимолий Америкаликлар ўз тарихида иккинчи бор мундиалда иштирок этмоқда. Улар биринчи марта 1986 йилда Мексика мезбонлик қилган Жаҳон чемпионатида қатнашган, аммо гол уролмаган.

Жон Хердман шогирдлари Қатар-2022 илк турида Бельгия дарвозасини ҳам ишғол этолмаганди. Ўшанда айнан Дэвиснинг 11 метрлик нуқтадан берган зарбасини Куртуа қайтарган.