ЖЧ саралаши. Саудия Арабистони йирик ҳисобда ғалаба қозонди ва Ўзбекистонни ортда қолдирди

Жаҳон Чемпионати саралаш босқичидан ўрин олган Саудия Арабистони - Фаластин учрашуви ўз якунига етди. Унда майдон эгалари 5:0 ҳисобида ғалаба қозонди.

Ўйинни катта устунлик билан ўтказган мезбонлар 37-дақиқада Ал-Шаҳрони томонидан киритилган гол эвазига ҳисобни очди. Биринчи тайм якунига қадар Фахад Ал-Муваллад орадаги фарқни иккитага оширди. Кейинчалик, Солиҳ Аш-Шеҳри дубль қайд этиб, ҳисоб йирик кўринишга келишига сабаб бўлди. Шунингдек, Салим Ал-Довсари 88-дақиқада пенальтини аниқ амалга ошириб, жамоасига 5:0 ҳисобидаги ғалабани тақдим этди.

Шундай қилиб, 5-тур баҳсида зафар қучган Саудия Арабистони очколари сонини 11 тага етказиб олган ҳолда, 1-ўринга кўтарилди.

Энди саудияликлар навбатдаги учрашувни 3 июнь куни Яман миллий терма жамоасига қарши ўтказади.