"ЖЧ U-20". Ўзбекистон дарвозасини ишғол қилган Велиз: "Ўзбекистон кутилганидек кучли ўйин намойиш этди..."

Жаҳон чемпионатининг биринчи туридан ўрин олган Аргентина - Ўзбекистон учрашуви мезбонларнинг 2:1 ҳисобидаги ғалабаси билан тугади. Ўйиндан кейин аргентиналиклар футболчиси Алехо Велиз баҳсга қуйидагича изоҳ берди:

"Ўйин биз учун омадсиз тарзда давом этаётганди. Бироқ Худога шукр, биз ғалабани қўлга кирита олдик. Қийин бўлишини жуда яхши билардик. Ўзбекистон кутилганидек кучли ўйин намойиш этди.

Стадионда мухлислар кўп бўлганини кўриш биз учун ёқимли. Баҳс олдидан мураббий Маскерано бизга бундан куч олиш кераклигини айтиб ўтганди. 

Беллашув биз учун муваффақиятли якунланди. Бундан жуда хурсандмиз", - деди вакилларимиз дарвозасини биринчи бўлиб ишғол қилган футболчи.