Италия А Серияисининг 31-турида Элдор Шомуродов ҳаракат қилаётган "Женоа" клуби "Милан" майдонига сафар қилади. Бўлғуси баҳс олдидан генуяликлар бош мураббийи Давиде Баллардини матубот анжуманида иштирок этди:

"Милан"га қарши туриб бера олишнинг ягона йўли формани сақлаш ва энг яхши ўйинингизни намойиш этиш, холос. Агар бор эътиборингиз ўйинга қаратилган ва жисмоний ҳолатингиз яхши бўлмаса, бу каби ўйинда ўзингизни жуда катта таваккал остида қолдирасиз. 

Златаннинг йўқлиги рақибга катта таъсир кўрсатади, деб ўйламайман. Ибрагимович "Милан"да шу қадар катта ўринга эгаки, у йўқ бўлса ҳам, жамоада инерцияси сезилиб туради. Қаршимизда мутлақо бошқача "Милан" турибди. Сўнгги бор улар билан карантин бошланмасдан аввал ўйнагандим. Бугун "россонерилар" катта ўзгаришларни амалга оширди ва бутунлай бошқача кайфиятда. Ҳеч бир жамоа ўз даражасида футбол ўйнамай, тинимсиз очко йўқотаётган бир пайтда улар барқарор ўйин намойиш этиб, муҳим очколарни жамғариб олдилар. 

"Милан" бежизга турнир жадвалининг 2-поғонасида эмас. Ўтказган учрашувларига эътибор берадиган бўлсак, уларга меҳмонда ўйнаш қулайроқ. Сабаби, бунда футболчиларда кенгроқ майдон бўлади ва кўплаб комбинацияларни ўхшатиш мумкин. 

Айни пайтда қаршимизда турган катта ўйинни ҳал қилиб олишимиз зарур. "Беневенто" ҳақида "Милан" билан тўқнашувимиз якунлангачгина гапира оламан", - деди Баллардини. 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар