"Женоа" устидан қозонилган ғалабадан сўнг, "Милан" устози нималар деди?

Италия А Сериясининг 31-тури доирасида бўлиб ўтган "Милан" - "Женоа" баҳси "россонерилар"нинг 2:1 ҳисобидаги ғалабаси билан якунланганидан хабардорсиз. Ўйиндан кейинги матбуот анжуманида Стефано Пиоли қуйидаги фикрларни билдириб ўтди:

"Олдимизда қатор қийин ўйинлар турганини ва бугунги рақиб бизга мана шундай оғир тўқнашув таклиф қилишини билгандик. Жуда кўплаб имкониятларимизни кўкка совурдик.

Учрашув тақдирини биринчи таймнинг ўзида ҳал этиб қўйиш имкониятимиз ҳам бор эди. Хатолар сабаб сўнгги дақиқагача таҳлика остида қолишга мажбур бўлдик. Энг муҳими, керакли 3 очкони қўлга киритдик. 

Ребич, асосан, марказий ҳужумчига ёрдам берувчи футболчи саналади. Мавсум давомида қанотлар орқали Леау ва Ибрагимовични яхши қўллаб-қувватлаб келди. Бугун юқори техник маҳорати эвазига жуда чиройли гол урди", - деди Пиоли.