"Jenoa"dan kambek. Eldor Shomurodov esa ilk assistni amalga oshirdi

Italiya kubogi 4-bosqichida "Jenoa" safarda "Sampdoriya" bilan kuch sinashdi. Bellashuvda mezbonlar birinchi bo‘lib hisobni ochishdi. Biroq mehmonlar ikkinchi bo‘limda iroda namoyish etib, 3 bor raqib darvozasini ishg‘ol qilishdi.

Hamyurtimiz Eldor Shomurodov bellashuvni asosiy tarkibda boshlab, 85-daqiqada almashtirildi.

E’tiborga molik tomoni, hujumchimiz "Jenoa"ning birinchi golida assistentlik qildi. Bu uning Italiyadagi ilk muvaffaqiyatli harakatiga aylandi. Shomurodov tufayli jamoasi hisobni tenglashtirdi.

Shu tariqa, "Jenoa" Italiya kubogi nimchorak finaliga yo‘l oldi.