"Женоа"дан камбэк. Элдор Шомуродов эса илк ассистни амалга оширди

Италия кубоги 4-босқичида "Женоа" сафарда "Сампдория" билан куч синашди. Беллашувда мезбонлар биринчи бўлиб ҳисобни очишди. Бироқ меҳмонлар иккинчи бўлимда ирода намойиш этиб, 3 бор рақиб дарвозасини ишғол қилишди.

Ҳамюртимиз Элдор Шомуродов беллашувни асосий таркибда бошлаб, 85-дақиқада алмаштирилди.

Эътиборга молик томони, ҳужумчимиз "Женоа"нинг биринчи голида ассистентлик қилди. Бу унинг Италиядаги илк муваффақиятли ҳаракатига айланди. Шомуродов туфайли жамоаси ҳисобни тенглаштирди.

Шу тариқа, "Женоа" Италия кубоги нимчорак финалига йўл олди.