Жеррард "Ал-Иттифоқ" бош мураббийи сифатида таништирилди. У жаҳонда энг кўп маош оладиган 3-мураббийга айланади!
Англиялик собиқ футболчи Стивен Жеррард Саудия Арабистонининг "Ал-Иттифоқ" жамоаси билан шартнома имзолади. Бу ҳақда Саудия Арабистони манбалари хабар бермоқда.
Маълум бўлишича, у Саудия клубида йилига 20 миллион фунт стерлинг ишлаб топади. Таққослаш учун, бу "Ливерпуль" бош мураббийи Юрген Клоппнинг маошидан 4 миллионга кўп дегани.
Шунингдек, Жеррард дунёда энг кўп маош оладиган мураббийлар рўйхатида 3-ўринга чиқиб олди. Ундан кўпроқ фақат Хосеп Гвардиола ва Диего Симеоне ишлаб топади, холос.
Фикрлар