Жейк Пол WBA рейтингидан чиқарилди

Бокс юлдузи Энтони Жошуадан нокаутга учраган Жейк Пол Бутунжаҳон бокс ассоциациясининг (WBA) 90,7 кг вазн тоифасидаги расмий рейтингидан чиқарилди. Бу ҳақда "Boxing Scene" нашри хабар бермоқда.

Қарор рейтинглар янгиланишида акс этган.

Аввалроқ, Жейкнинг рейтингга киритилиши бокс жамоатчилигида баҳс-мунозараларга сабаб бўлганди. Кўплаб экспертлар бу қарорни танқид қилиб, унинг рақиблари даражаси даъвогар мақомига мос келмаслиги ва санкция берувчи орган унинг машҳурлигини монетизатсия қилишга уринаётгани, бу эса чемпионлик жанги йўлини осонлаштиришини таъкидлаганди.

Маълумот учун, ҳозирда профессионал рекорди 12-2 бўлган Пол биринчи марта 2025 йил июнь ойида WBА нинг ТОП-15 талигига кириб, Хулио Сезар Чавес устидан қозонилган ғалабадан кейин 14-ўринни эгаллаганди.