Жеймснинг жароҳати жиддий эмаслиги маълум қилинди

"Челси" ҳимоячиси Рис Жеймс "Ливерпуль"га қарши ўйинда жароҳат олди. Аввалроқ у Уэльс ва Латвияга қарши жорий ойдаги ўйинлар учун Англия терма жамоаси рўйхатига киритилмагани маълум қилинганди. Унинг ўрнига "Манчестер Сити" ҳимоячиси Нико О’Райли илк бор чақирилган.

"Football.London" хабарига кўра, Жеймснинг жароҳати жиддий эмас. У ўтган дам олиш кунларида "Ливерпуль"га қарши (2:1) баҳсда ноқулайлик ҳис этган ва учрашувдан кейин бу ҳақда клуб шифокорларига хабар берган.

Аниқ соғайиш муддати айтилмаган бўлса-да, бу муаммо қисқа муддатли экани кутилмоқда. "Челси" мутахассислари Жеймс икки ҳафталик терма жамоалар танаффусидан кейин "Ноттингем Форест"га қарши сафар ўйинига тайёр бўлишига умид қилмоқда.