Жезус Мадридга йўл олиши мумкин

"Арсенал" ҳужумчиси Габриэль Жезус фаолиятини Испания чемпионатида давом эттириши мумкин. Бу ҳақда Todofichajes портали ўз саҳифаларида хабар берди.

Манбага кўра, бразилиялик форварднинг трансферига Мадриднинг "Атлетико" клуби жиддий қизиқмоқда. Қайд этиш лозимки, Габриэлнинг айни дамдаги трансфер нархи 55 миллион еврога баҳоланмоқда. Футболчининг "канонирлар" билан шартномаси 2027 йилнинг июнь ойи охиригача амал қилади.

Габриэль Жезус жорий мавсум Англия Премьер-лигасида тўққизта ўйинда майдонга тушди ва афсуски бирорта ҳам гол ура олмади. "Арсенал" айни дамда АПЛ турнир жадвалида 19 очко билан 4-ўринда бормоқда.

"Атлетико" эса Ла Лиганинг ортда қолган 13 туридан сўнг 26 очко жамғариб, турнир жадвалида учинчи ўринда бормоқда.