Жиру: "Бу билан тўхтаб қолмоқчи эмасмиз"
"Милан" ҳамда Франция терма жамоаси ҳужумчиси Оливье Жиру келажаги ҳақида гапирди.
"Милан"га ўтганимда янги вазифаларни бажариш вақти келганини англаганман. Бунинг учун клуб менга катта имкониятлар тақдим этди. Ўйлайманки, юқори даражада яна бир неча йил ўйнай оламан.
Ҳалигача майдонда ўзимни кўрсата оляпман, фойдали ишлар самарадорлиги ёмон эмас. Айни дам ўзимни "Милан"да яхши ҳис қиляпман. Биз аллақачон Италия чемпионига айланиб бўлганмиз, лекин бу билан тўхтаб қолмоқчи эмасмиз", - дея 36 ёшли французнинг сўзларидан иқтибос келтиради журналист Альфредо Педулла.
Маълумот учун, Оливье Жиру 2021 йилда "Милан"га ўтган эди. Жамоа билан биргаликда у 2022 йилда скудеттони қўлга киритди. Жиру "россонерилар" сафида 57 та ўйинда майдонга тушиб, 23 та гол урди ҳамда 9 та голга ассистентлик қилди.
Фикрлар