Jiru "Milan"ga o‘tishga tayyor

Frantsiyalik hujumchi Olive Jiru "Milan" bilan shartnoma imzolashga rozi bo‘ldi. Bu haqda italiyalik jurnalist-insayder Nikola Skira o‘zining tvitter sahifasida ma’lum qildi.

Uning so‘zlariga ko‘ra, "rossonerilar" rahbariyati tajribali hujumchiga 2023 yilning yoziga qadar tuzilgan shartnoma taklif qilgan. Ushbu kelishuvda Jiruning yillik maoshi 4 mln evroni tashkil etadi.

Ta’kidlash joizki, Jiruning "Chelsi" bilan amaldagi shartnomasi 2022 yilning yozigacha tuzilgan. Shu sababli “Milan” klubi “Chelsi” futbolchini tekinga qo‘yib yuborishini kutmoqda.

Olive 2018 yildan beri London jamoasi sharafini himoya qilib kelmoqda. U o‘tgan mavsum Angliya premer-ligasida 17 ta o‘yinda maydonga tushdi va 4 ta gol urdi.