Жируни А Серияга чорлашмоқда

"Челси" ҳужумчиси Оливье Жиру фаолиятини Италия А Сериясида давом эттириши мумкин.

Жорий мавсум якунлангач эркин агентга айланадиган 34 ёшли франциялик футболчига "Милан" жиддий қизиқиш билдирмоқда. Ушбу трансфер устида шахсан "россонерилар" спорт директори Паоло Мальдини иш олиб бормоқда.

Жиру жорий мавсум премьер-лигада жами 17 та ўйинда майдонга тушди. У ушбу ўйинларда рақиблари дарвозасига 11 та гол урди.

“Челси” АПЛ мусобақа жадвалида 3-ўринда бормоқда. “Милан” А Серияда 3-ўринни эгаллаб турибди.