Жон Терри "Астон Вилла" билан хайрлашди

“Астон Вилла” клуби тажрибали ҳимоячи Жон Террининг жамоадан кетганини расман тасдиқлади.

“Астон Вилла”дек буюк жамоада тўп сурганимдан ва сардор бўлганимдан фахрланаман. Мен жамоа учун ўзимнинг бор куч-ғайратимни майдонда ҳам, унинг ташқарисида ҳам бердим. Аммо, жамоанинг премьер-лигага чиқа олмаганидан ҳалигача афсусдаман. “Астон Вилла” бунга тўла ҳақли эди”, - дейди Терри.

Эслатиб ўтамиз, Жон Терри “Астон Вилла” сафига ўтган йилнинг ёзида “Челси”дан келиб қўшилган эди.