Жозе Алдо: "Конор оғзини ёп!"

Собиқ UFC чемпиони Жозе Aлдо Жереми Стивенсга қарши профессионал бокс қоидаларига кўра жанг ўтказганди. Уларнинг жангидан сўнг, Конор МакГрегор твиттердаги саҳифасида Алдо билан бокс жанги ўтказиши ҳақида ёзганди. Матбуот анжумани давомида Жозе Конорнинг хабарига жуда кескин жавоб қайтарди:

"Конорнинг оғзи катта. У ҳар доим жуда кўп нарсаларни гапиради. У билан аллақачон жангни режалаштирилганди. Конор, оғзингни ёп. Биз UFCда олдинроқ жанг қилишимиз керак эди. Сен қочиб кетдинг ва энди ҳамон бўлмағур гапларни гапиряпсан”,- деди Алдо.

Эслатиб ўтамиз, Конорва Алдо UFC турнирида тўқнаш келган ва унда ирландиялик муддатидан аввал ғалаба қозонганди. Улар ўртасидаги реванш ҳақида гап-сўз бўлганди, аммо ўтказилмаган. Алдо айнан реванш ҳақида сўз юритди.