Жозе Моуриньо "Реал" кутаётган мундиал қаҳрамонига қизиқиш билдирмади

Келаси мавсумда «Реал Мадрид» жамоасига яна Жозе Моуриньо бошчилик қилади. Португалиялик мутахассис клубга қайтиб, уч йиллик шартнома имзолади. 

Ҳозирда «Қироллик клуби» ёзги трансфер бозорида таркибни кучайтириш устида фаол иш олиб бормоқда.

Оммавий ахборот воситалари хабарларига кўра, мадридликлар «Лилль» клубида тўп сураётган 18 ёшли марокашлик ярим ҳимоячи Аюб Буаддининг ўйинларини диққат билан кузатмоқда. Бу футболчи миллий терма жамоа сафида жаҳон чемпионатида қатнашяпти. 

Бироқ бошқа манбаларнинг таъкидлашича, Жозе Моуриньо ёш футболчини жамоага олиб келиш ғоясига ҳозирча қизиқиш билдирмаётгани айтилмоқда.

Ўтган мавсумда Аюб Буадди «Лилль» сафида 42 учрашувда майдонга тушди. У шу вақт мобайнида бир голли пас муаллифига айланди. Transfermarkt портали футболчининг бозор қийматини 50 миллион евро атрофида баҳоламоқда.