Журналист Серхио Рамоснинг маошини ошкор қилди

Испания миллий терма жамоаси, "Севилья", "Реал" ва ПСЖ клублари собиқ футболчиси Серхио Рамос фаолиятини Мексиканинг “Монтеррей” жамоасида давом эттириши ҳақида хабар тарқалди.

Таниқли журналист Никоо Скира 38 ёшли футболчининг янги жамоада қанча маош олаётганини ошкор қилди. Манбага кўра, испаниялик ҳимоячининг йиллик маоши 4 миллион еврони ташкил қилади.

Таъкидлаш жоизки, Рамос ёзда “Севилья”дан кетганидан кейин узоқ вақт мобайнида Европа, Америка, Африка қитъаларининг бир қатор клублари билан музокара олиб борди. Бироқ Серхионинг маош талабини бажарадиган жамоа топилмади.

Рамос аслида “Севилья” тарбияланувчиси ҳисобланади. Орада “Реал” ва ПСЖда ҳам тўп тепиб, бир қатор нуфузли совринларни қўлга киритган.