Кабо-Верде президенти Аргентина устидан ғалабага ишонмоқда

Кабо-Верде президенти Жозе Мария Невеш Аргентинага қарши бўлиб ўтадиган 1/16 финал баҳси олдидан ўз фикрлари билан ўртоқлашди.

"Мен Кабо-Верде яхши ўйнашда давом этишига умид қиламан. Биз Жаҳон чемпионатига ўз тарихимизни ёзиш учун келдик. Энди эса амалдаги жаҳон чемпионлари — Аргентинага қарши майдонга тушамиз.

Биз Аргентина ва Мессига қарши ҳам худди шундай қатъият, худди шундай ғалаба қозониш иштиёқи билан ҳаракат қиламиз. Футболчиларимизда 100 фоиз ишонч, 100 фоиз умид бор ва уларнинг футболкалари охиригача курашганидан ҳўл бўлади.

Демак, бизда Аргентинани мағлуб этиш учун ҳам 100 фоиз имконият бор.

Катта терма жамоаларга қарши баҳсларда ғалаба ҳам қозониш мумкин, мағлуб ҳам бўлиш мумкин. Лекин натижа қандай бўлишидан қатъи назар, биз фақат ғалаба учун ўйнаймиз. Ҳар қандай ҳолатда ҳам Жаҳон чемпионатини бошимиз баланд ва ўз вазифамизни бажарган ҳисда тарк этамиз."