Ўзбекистон миллий терма жамоаси Дубай шаҳрида навбатдаги ўқув-машғулот йиғинларини бошлади. "Оқ бўрилар" бош мураббийи Фабио Каннаваро йиғин қандай ўтаётгани ҳақида фикр билдирди.
"Кўплаб янги ўйинчилар иштирок этаётган Дубайдаги ўқув-машғулот йиғинларида кунлар қизғин ўтмоқда. Футболчиларни яқиндан билиш ва уларнинг салоҳиятини тушуниш жуда муҳим. Биз биргаликда астойдил ҳаракат қиляпмиз, чунки бу катта мақсадлар ва ундан ҳам катта орзуларга лойиқ жамоани шакллантиришнинг ягона йўли. Жаҳон чемпионатидаги биринчи иштирокимиз тобора яқинлашиб бормоқда", — деб ёзди мутахассис Instagram саҳифасида.
Маълумот учун, бугун Ўзбекистон миллий терма жамоаси Хитойга қарши назорат учрашувида майдонга тушади. Учрашув ёпиқ эшиклар ортида ўтказилади.
Фикрлар