Канте Францияга қайтиши мумкин

Н'Голо Канте 2026 йилнинг ёзида "Ал-Иттиҳод"ни тарк этиши кутилмоқда. Сабаби, ярим ҳимоячининг шартномаси шу вақтда ўз ниҳоясига етади. Футболчи эса янги битим имзоламайди, дея хабар бермоқда Николо Скира. 

Инсайдернинг сўзларига кўра, Кантега айни пайтда жиддий қизиқиш билдираётган жамоа бу "Париж". Томонлар ўртасида музокаралар бошланган. 

34 ёшли ярим ҳимоячи сўнгги бор Францияда 2015 йили "Кан" клубида тўп тепган. Орадан 10 йилдан кўпроқ вақт ўтиб, у ватанига қайтиши мумкин. Канте ушбу мавсум "Ал-Иттиҳод" таркибида 16 та ўйинда майдонга тушди ва 1 та гол урди.