Кападзе ЎФА инструкторлиги учун ўқимоқда

Мазкур курсларни ФИФА ва ОФК инструктори Ислом Аҳмедов олиб бормоқда. Ўқув курсларини бошлашдан аввал ЎФА Мураббийлик таълими департаменти директори Шавкат Имамов томонидан йиғилганларга тақдимот ўтказилди. 

Курсларда Баҳром Умаров, Владимир Коваленко, Тимур Кападзе, Аваз Максумов, Рустам Қурбонбоев, Асрор Алиқулов каби мутахассислар таълим олишмоқда. Ўқув курслари 14 апрель куни ниҳоясига етади. Имтиҳонлардан муваффақиятли ўтганлар ОФК инструктори бўлиш учун ўқишга тавсия қилинади.