Карлсен қўшчемпионлик ҳақида: Буни энг мақбул ечим деб ҳисобладим

25 декабрдан 1 январга қадар АҚШнинг Нью-Йорк штатида шахмат спорт тури доирасида "Рапид ва блиц бўйича жаҳон чемпионати" турнири ўтказилиши режалаштирилганди. 

Бир неча кун аввал мазкур турнирнинг рапид баҳслари якунланган бўлса, бугун блиц йўналишидаги ўйинлар ҳам ўз якунига етди. Эркаклар ўртасида мазкур йўналишда бир йўла икки чемпион тақдирланди.

Магнус Карлсен ҳамда Ян Непомнящий 2024 йилги блиц бўйича жаҳон чемпионлари, дея эълон қилинди. 

Карлсеннинг ўзи чемпионликни бўлишиш ғояси ҳақида фикр билдирди: 

“Ўша пайтда биз аллақачон жуда узоқ вақт ўйнаб бўлгандик. Энг аввало, мен баҳсни тугатганимдан хурсанд эдим. Айнан ўша паллада, кимдир биринчи ўрин, кимдир эса иккинчи ўринни олса, бу иккаламиз учун ҳам жуда шафқатсиз бўларди. Шунинг учун, мен буни мақбул ечим деб ҳисобладим.”