Карпин: Альмквист Шомуродовнинг даражасига етишига ҳали эрта

“Ростов” бош мураббийи Валерий Карпин премьер-лига доирасида “Спартак” устидан қозонилган ғалабадан сўнг, жамоадаги ўзгаришлар ва янги футболчилар ҳақида фикр билдирди.

- Жамоада аввалги 23 кишилик таркибдан етти нафари қолди. Ҳатто Норманн ва Байрамян ҳам жароҳатланган. Жамоа 70-80 фоизга янгиланди. Ўйинимиз ва таркибимиз баҳорга бориб, тўлиқ  шаклланади, дейиш мумкин.

Понтус Альмквистни Шомуродовнинг даражасига етишига ҳали жуда эрта. Унинг машғулотларга киришганига бир ҳафта бўлди.  Понтусни Элдор билан солиштирмоқчи бўлсангиз, қишки йиғинлардан кейин таққослаб кўриш керак, - деди Валерий Карпин.

Ёзги трансферлар вақтида “Ростов” футболчиларни сотиш бўйича энг кўп даромад кўрган жамоа бўлди. Хусусан, Элдор Шомуродовни олиш учун “Женоа” ростовликларга 7,5 миллион евро тўлади. Шунингдек, яна 1,5 миллион еврони бонус сифатида бериб, ўзбекистонлик ҳужумчининг кейинги трансферидан улуш ажратадиган бўлди.

Матнда хатолик топсангиз, ўша хатони белгилаб, бизга жўнатинг (Ctrl + Enter)