Каррагер: "Арне Слотнинг жамоаси “Манчестер Юнайтед”дан анча кучли"

“Ливерпуль”нинг собиқ ҳимоячиси ва ҳозирда футбол таҳлилчиси сифатида фаолият юритаётган Жейми Каррагер Англия Премьер-лигаси 8-туридан ўрин олган “Ливерпуль” — “Манчестер Юнайтед” баҳсидан сўнг ўз фикрларини билдирди.
Ушбу ўйинда “қизил иблислар” 2:1 ҳисобида ғалаба қозонди.

"Арне Слотнинг жамоаси “Манчестер Юнайтед”дан анча кучли. Агар МЮ “Энфилд”да ғалаба қозониши керак бўлса, айнан шундай — озгина омад ва сўнгги дақиқадаги гол ҳисобига эришиши мумкин эди. “Ливерпуль” ҳимояда жуда ёмон ўйнади, ва улар бу муаммони ҳал қилмагунча, чемпионликни қўлга кирита олмайди”, — деди Каррагер.

 Маълумот учун, 8 турдан сўнг мерсисайдликлар учинчи ўринни эгаллаб турибди ва пешқадам “Арсенал”дан 4 очкога орқада. Рубен Аморим шогирдлари эса 9-поғонада жойлашган.