Karuvana: Sindarovda "qotil instinkti" bor!

Deyarli barcha ekspertlar yaqinlashayotgan Nomzodlar turnirida Fabiano Karuanani  asosiy favorit deb hisoblayapti. Ammo Fabianoning o‘zi bu haqida nima deydi?

— Albatta, men g‘alaba qozonishni xohlayman. Nomzodlarda qatnashishdan yagona maqsad — yutish. 

Uning fikricha, oldingi turnirlarga qaraganda ishtirokchilarning tayyorgarlik darajasidagi farq ancha kamaygan. Endi hamma deyarli bir xil darajada tayyor. Shu tufayli natijani endi boshqa omillar hal qiladi.

Raqiblar haqida fikrlari

Praggnanandha

— Men Praggnanandhani eng yuqori o‘ringa qo‘yman. So‘nggi olti oy u uchun unchalik omadli o‘tmagan bo‘lsa-da, o‘tgan yilgi TOP-turnirlardagi g‘alabalari bilan o‘z darajasini ko‘rsatgan edi. Bu men uchun joriy reytingdan ham muhimroq. 

Giri

— Juda chuqur fikrlaydigan shaxmatchi. Strategik jihatdan kuchli. Lekin g‘alaba uchun yetarli darajada ko‘p partiya yuta oladimi? 
U o‘n yildan beri top-10 darajasida. Men uning imkoniyatlarini Vey Idan biroz yuqori, lekin Praggdan pastroq degan bo‘lardim.

Vey I
— Uni baholash qiyin. Ba'zida u juda aniq va mukammal o‘ynaydi. Lekin yirik g‘alabalari ko‘p emas. 

Yesipenko

— Men uning o‘yinini hurmat qilaman, lekin reytingi va yirik turnirlarni yutmaganini hisobga olib, asosiy favorit deyish qiyin. Shunga qaramay, u juda xavfli. U o‘zi yutmasligi mumkin, lekin boshqalarning natijasiga yomon ta'sir o‘tkazish ehtimoli bor.

Blyubaum

— U ham boshqalarning natijasiga ta'sir qilishi mumkin. Balki yaxshi natija ko‘rsatar, lekin turnirni yutish imkoniyati cheklangan. Obektiv qarasam, uni g‘alaba imkoniyati bo‘yicha oxirgi o‘ringa qo‘ygan bo‘lardim.

Sindarov

— U albatta turnirni yuta oladi. Juda xavfli. Unda “qotil instinkti” bor. Tajribasi kam, lekin balki unga tajriba kerak ham emasdir. Men ham birinchi Nomzodlar turnirimda katta tajribaga ega emasdım, lekin baribir birinchi o‘rin uchun kurashganman. 
Hozir u juda yaxshi formada. G‘alaba qozonish ehtimolini Anish bilan bir darajada yoki undan biroz yuqoriroq qo‘ygan bo‘lardim.

Nakamura

— Men uni Pragg bilan bir darajaga qo‘yman. U qanday g‘alaba qozonishni biladi. Eng tajribali ishtirokchi. Oxirgi safar u so‘nggi turda Gukeshga qarshi turnirni yutish imkoniga ham ega edi. U albatta g‘alaba qozona oladi.