Каталония клуби "Реал" афсонасини ишга таклиф қилди, бироқ...

"Реал" клубининг афсонавий ҳужумчиси Рауль Гонсалесга Ла Лига клубларидан бири иш таклиф қилди. Marca нашри хабарига кўра, гап Каталониянинг "Эспаньол" клубидан тушган таклиф ҳақида кетмоқда.

Манбанинг қайд этишича, мутахассис клуб билан қисқа музокаралар олиб борган ва бу вақт давомида уларга рад жавобини берган. Рауль “қироллик клуби”нинг ёшлар жамоаси билан ишлашни давом эттиришни мақул кўрган.

Эслатиб ўтамиз, “Эспаньол” ўтган мавсум Ла Лигани 14-ўринда якунлаган эди.

Маълумот учун, Рауль Гонсалес 1994 йилдан 2010 йилгача "Реал" шарафини ҳимоя қилган.