Килиан Мбаппе Англиядан ўзига янги клуб танлади
У кетишга рози
Мадриднинг «Реал» жамоасида тўп сураётган юлдуз ҳужумчи Килиан Мбаппе келаси ёздаги трансфер ойнасидан сўнг «қироллик клуби»ни тарк этиб, Англия чемпионатига йўл олиши мумкин.
Инсайдер Франсуа Гальярдо тарқатган маълумотларга кўра, 27 ёшли француз ҳужумчи «Ливерпуль» сафига ўтиш вариантини жиддий кўриб чиқмоқда. Мерсисайд клуби вакиллари аллақачон футболчининг онаси ва бир вақтнинг ўзида агенти бўлган Файза Ламари билан алоқа ўрнатгани айтилмоқда.
Таъкидланишича, Мбаппе Мадрид клубида ўзини унчалик қулай ҳис қилмаяпти ва янги чақириққа тайёр. Килианнинг «Реал» билан амалдаги шартномаси 2029 йил ёзигача мўлжалланган.
Эслатиб ўтамиз, жорий мавсумда Килиан Мбаппе Испания чемпионатида «Реал» таркибида етти ўйин ўтказиб, етти гол урди ва икки марта ҳамжамоадошларига голли пас берди.
Изоҳлар (0)