Кимга керак бўлса, олсин! "Арсенал" Дьёкереш учун катта нарх белгилади

Лондоннинг «Арсенал» клуби швед ҳужумчиси Виктор Дьёкерешни қанча миқдордаги тўлов эвазига қўйиб юборишга тайёр экани маълум бўлди.

TuttoJuve нашри хабарига кўра, «канонирлар» Дьёкереш бўйича камида 70 миллион евро миқдоридаги таклифларни кўриб чиқишга рози. Шу билан бирга, қишки трансфер ойнасида футболчини ижарага бериш варианти мутлақо инкор этилган.

Швед форвардга «Ювентус» ва «Милан» клублари жиддий қизиқиш билдирмоқда. Бироқ трансферни амалга оширишга «Арсенал»нинг молиявий талаблари тўсиқ бўлмоқда, чунки 70 миллион евро италиялик грандлар учун жуда юқори сумма ҳисобланади.

Жорий мавсумда Дьёкереш барча мусобақалар доирасида бешта ўйинда майдонга тушди, аммо гол ёки самарали узатма билан ажралиб тура олмади.

Ҳужумчининг «Арсенал» билан амалдаги шартномаси 2030 йилгача мўлжалланган.