Киммих келажаги ҳақида бир қарорга келди

"Бавария" ярим ҳимоячиси Жошуа Киммих келажаги ҳақида бир қарорга келди. Журналист Санти Уна хабарига кўра, немис ярим ҳимоячиси камида бир мавсум мюнхенликларда қолишга қарор қилган.

Манбанинг хабар беришича, футболчининг қарори якуний ҳисобланади. Киммихнинг амалдаги шартномаси 2025 йил ёзида тугайди.
 Шу билан бирга, "Бавария" 29 ёшли Жозуа билан шартномани узайтиришни истисно этмаяпти.

Эслатиб ўтамиз, ушбу трансфер ойнасида Киммих турли жамоаларга ўтиши мумкин эди. Даъвогарлар рўйхатидан "Манчестер Сити", Каталониянинг "Барселона" ва "ПСЖ" клублари бор эди.