Клопп "Ливерпуль"нинг янги ҳимоячиси ҳақида: У – бўлажак жамоа сардори

"Ливерпуль" бош мураббийи Юрген Клопп жамоанинг янги ҳимоячиси Ўзан Кабак ҳақида фикрларини билдириб ўтди.

"Ўзан Германияга анча ёш вақтида келган. Унинг улкан истеъдоди барчага аён эди. У бор-йўғи 20 ёшда ва  "Шальке"да, ўзининг иккинчи клубида тўп сурди. Афсуски, клуб ҳозир ёмон аҳволда. Ҳар бир футболчига барқарор жамоа керак, биз унга шундай имкониятни таклиф қилишимиз мумкин.

Барқарор жамоа шакллантира оламиз. У ўз ўрнида ўйнаши мумкин. Кабак 20 ёшда ва майдонда хатосиз ўйнашга мажбур эмас.

Дэвид Вагнер ("Шальке" собиқ мураббийи) Кабак бўлажак сардор эканлигини таъкидлаганди. У кучли характер эгаси", - дейди Клопп.