Клопп мағлубият айбдорини айтди

Германия терма жамоаси бош мураббийи Юрген Клопп Миллатлар лигаси «А» лигаси гуруҳ босқичи 2-турида Грецияга қарши учрашувдаги 0:1 ҳисобидаги мағлубиятни шарҳлади.

- Натижа қувонтирмайди, аммо бу, шубҳасиз, жараённинг бир қисми. Таркиб, жамоанинг қандай шакллантирилгани ва барча ўзгаришлар –  100 фоиз менинг жавобгарлигим. Бу менинг ғоям эди.

Чуқур ҳимоя блокида ўйнаётган рақиб ҳимоясини осонликча ёриб ўта олмаслигимиз аниқ эди. Мен кичик ҳисобдаги ғалабани хотиржам қабул қилган бўлардим, аммо мағлуб бўлиш мумкин эмас эди.

Ўтказиб юборилган голда омадимиз келмади, гарчи у рақибда бўлган имкониятларнинг умумий манзарасига мос келса ҳам. Аслида, улар асосан узоқ узатмалар орқали ўйнашди. Кўп ҳолатларда бундай тўплар билан яхши ишладик, аммо футболчиларимизнинг жисмоний имкониятларини ҳисобга олсак, биз қила оладиган даражада устунлик қилмадик.

Биз атиги бир ҳафтадан бери биргамиз, жамоа янги, шунинг учун ўзаро алоқаларни шакллантиришимиз керак. Футбол машғулотларни талаб қилади. Бу ҳафтада бугунги учрашувнинг катта қисмидан ташқари ҳаммаси аъло даражада кечди, - деди Клопп.

Унинг сўзларини Sky Sport Germany келтирди.