Клопп мураббийликни тўхтатади

“Ливерпуль” бош мураббийи Юрген Клопп клуб билан амалдаги шартномаси тугаганидан кейин нима қилиши ҳақида маълумот берди.

Германиялик мутахассис 2024 йилнинг ёзигача имзоланган шартномасини тўлиқ бажариб, кейин мураббийлик фаолиятида танаффус олишни режалаштирмоқда.

53 ёшли Юрген Клопп камида бир йил футболдан четда юрмоқчи. Унинг бу қарори мутахассис Германия терма жамоасини қабул қилмаслигидан далолат беради. Чунки ёзда бўладиган Европа чемпионатидан сўнг, Йоахим Лёв Бундестим бош мураббийлигидан истеъфога чиқарилади.

Германия терма жамоаси бош мураббийлигига номзодлар қаторида Юрген Клоппнинг номи ҳам тилга олинаётган эди.