Kloppni murabbiylikka qaytaradigan klub chiqdi

Saudiya Arabistonining “Al-Ittihod” klubi murabbiylik faoliyatida tanaffus e’lon qilgan germaniyalik mutaxassis Yurgen Kloppni jamoa boshqaruviga olib kelmoqchi.

Bu haqda TEAMtalk nashri jurnalisti Rudi Galetti xabar tarqatdi.

Ma’lumki, “Al-Ittihod” ichki chempionatda Krishtianu Ronaldu etakchiligidagi “An-Nasr”ga 0:2 hisobida yutqazib qo‘yganidan keyin frantsiyalik bosh murabbiy Loran Blan iste’foga chiqarilgan edi.

Yurgen Klopp 2015-2024 yillar davomida “Liverpul”ni muvaffaqiyatli boshqarib, jamoasi bilan Evropa Chempionlar ligasi va Angliya Premer-ligasi g‘olibiga aylantirgan edi.

Biroq tajribali mutaxassis 2024 yilning yozida bosh murabbiylikdan charchaganini ma’lum qilib, jamoani tark etdi. Uning o‘rniga kelgan Arne Slot debyut mavsumidayoq “Liverpul” bilan Angliya Premer-ligasida g‘olib chiqdi.

Endi Saudiya Arabistonining eng qudratli klublaridan hisoblangan “Al-Ittihod” bir yil bosh murabbiylikdan chetda yurgan Kloppni jamoaga olib kelmoqchi.