Коман карантинга олинди

“Бавария” вингери Кингсли Коман бугундан жамоа машғулотларида иштирок этмаяпти.

Мюнхенликлар расмий сайти тарқатган хабарга кўра, 24 ёшли франциялик футболчи коронавирусга чалинган шахс билан мулоқотда бўлгани учун уй карантинига олинган. Аммо унинг Covid-19га топширган тести манфий натижа берган. У энди маълум муддат ўз уйида онлайн тарзда шуғулланади.

Коман “Бавария” сафига 2015 йилда “Ювентус”дан кўчиб ўтган. У ўтган давр мобайнида 161 та ўйинда майдонга тушди ва ўз ҳисобига 33 та гол ҳамда 35 та голли узатма ёздириб қўйди.

Матнда хатолик топсангиз, ўша хатони белгилаб, бизга жўнатинг (Ctrl + Enter)