Консейсау “Милан” юлдузларининг “қора рўйхати”ни тузди

Европа Чемпионлар лигаси ғолиблигига даъвогарлардан ҳисобланган “МИлан” 1/16 финалда “Фейеноорд” тўсиғидан ўтолмай, мусобақани эрта тарк этди.

Бу омадсизлик жамоанинг янги бош мураббийи Сержиу Консейсауга умуман ёқмади. Португалиялик мутахассис жамоа етакчилари саналган уч нафар футболчи билан хайрлашишга қарор қилди.

Тижани Рейндерс,  Фикайо Томори ва дарвозабон Майк Меньян кейинги йилларда жамоада асосий фигура ҳисобланса-да, бош мураббийнинг “қора рўйхати”га тушди.

Консейсау клуб директорлар кенгашига мурожаат қилиб, бу футболчилар тез орада жамоани тарк этиши кераклигини маълум қилди. Бу фақат бир ўйин натижасига боғлиқ қарор эмас.

Масалан, кўп жамоалар нишонида турган нидерландиялик Тижани Рейндерс Консейсаунинг ўйин схемасига мос тушмаяпти. Томори эса, мураббийлар штабининг ишончини оқлагани йўқ. Меньян аввалги мавсумларда ишончли ўйинлари билан ажралиб турганди. Бироқ кейинги пайтда дарвозанинг ишғол қилинишига олиб келаётган хатоларга йўл қўймоқда.